اسلام آباد: وفاقی بورڈ برائے انٹرمیڈیٹ اینڈ سیکنڈری ایجوکیشن (ایف بی آئی ایس ای) نے بدھ کو 2026 کے سالانہ امتحانی نتائج کا اعلان کیا، جس میں لڑکیوں نے پانچوں گروپس کی 15 میں سے 11 ٹاپ پوزیشنز حاصل کر کے برتری قائم کی۔
نتائج کے مطابق بارہویں جماعت .(ایچ ایس ایس سی-II) کا پاس فیصد 85.95 فیصد ہے، جبکہ گیارہویں جماعت (ایچ ایس ایس سی-I) کے امتحانات میں یہ شرح 65.31 فیصد رہی۔
ایچ ایس ایس سی-I کے امتحان کے لیے کل 106,508 طلبہ نے رجسٹریشن کرائی تھی، جن میں سے 67,848 کامیاب ہوئے۔ اسی طرح ایچ ایس ایس سی-II کے امتحان کے لیے رجسٹرڈ 104,838 طلبہ میں سے 87,364 پاس ہوئے۔
نتائج کا اعلان اسلام آباد. میں ایف بی آئی ایس ای کی عمارت میں ایک تقریب کے دوران کیا گیا، جہاں وزیر تعلیم ڈاکٹر خالد مقبول صدیقی نے. لیپ ٹاپ پر انٹر کی دبا کر نتائج کھولنے کا اعلان کیا۔
اس موقع پر ایف بی آئی ایس ای کے چیئرمین ڈاکٹر اکرام علی. ملک بھی موجود تھے اور انہوں نے شرکا کو نتائج سے آگاہ کیا۔
پہلی پوزیشن
پری میڈیکل گروپ میں راولپنڈی کے ہمایوں روڈ پر واقع آرمی پبلک اسکول اینڈ کالجز (گرلز) کی عمارہ ازہر نے 1,079 نمبرز کے ساتھ پہلی پوزیشن حاصل کی۔ صرف ایک نمبر کے فرق سے اسلام آباد کے. بلیو ایریا میں واقع. پنجاب کالج آف سائنس کے محمد جہانزیب نے دوسری پوزیشن حاصل کی، جبکہ گوجرانوالہ کینٹ کے آرمی پبلک اسکول اینڈ کالج کی سیدہ ایمان فاطمہ 1,076 نمبرز کے ساتھ تیسری پوزیشن پر رہیں۔
پری انجینئرنگ اور کامرس گروپس میں. لڑکیوں نے تینوں ٹاپ پوزیشنز حاصل کیں۔
پری انجینئرنگ میں راولپنڈی کینٹ کے. آرمی پبلک اسکول اینڈ کالج گرلز کی رمین ارجمند نے 1,075 نمبرز کے ساتھ پہلی پوزیشن حاصل کی۔ گوجرانوالہ کینٹ کے آرمی پبلک اسکول اینڈ کالج کی زینب سمیع نے 1,070 نمبرز کے ساتھ دوسری پوزیشن حاصل کی، جبکہ واہ کینٹ کے کپس کالج کی انسہ فاطمہ 1,068 نمبرز کے ساتھ تیسری پوزیشن پر رہیں۔
کامرس گروپ میں پہلی دو پوزیشنز ایچ سی سی ایس ایجوکیشنل سسٹم راولپنڈی. کی طالبات کے. حصے میں آئیں — عقصہ فاروق نے 1,051 نمبرز کے ساتھ پہلی پوزیشن حاصل کی، جبکہ آئزہ افضل نے 1,047 نمبرز کے ساتھ دوسری پوزیشن حاصل کی۔ اسلام آباد کے پنجاب کالج جناح کیمپس کی. آمنہ آصف 1,046 نمبرز کے ساتھ تیسری پوزیشن پر رہیں۔
جنرل سائنس گروپ. میں اسلام آباد کے بلیو ایریا میں واقع پنجاب کالج آف سائنس کے عبداللہ ازہر نے 1,063 نمبرز کے ساتھ پہلی پوزیشن حاصل کی، جبکہ راولپنڈی کینٹ کے. ڈیفنس فورسز پبلک اسکول اینڈ کالج کے. حیان ازہر نے 1,059 نمبرز کے. ساتھ دوسری پوزیشن حاصل کی۔ اسلام آباد کے ایچ-11 میں واقع پنجاب کالج کیمپس آف ہل ہاؤس کی ہادیہ زکریا. 1,056 نمبرز کے ساتھ تیسری پوزیشن پر رہیں۔
