انڈیا: ایک اور ارب پتی خاندان کی ’شاہانہ‘ شادی کی تیاریاں

منگل کو گوتم اڈانی نے انڈین میڈیا کو بتایا. کہ ان کے بیٹے کی شادی اگلے ماہ یعنی سات فروری  کو منعقد ہو گی. اور اس کو ’انتہائی سادگی‘ سے انجام دیا جائے گا۔

شادی بہت سادہ ہو گی

دنیا کے سب سے بڑے مذہنی اجتماع مہا کمبھ میلے میں شریک گوتم اڈانی نے بتایا کہ ’جیت کی سات فروری کو ہے۔ ہماری سرگرمیاں عام لوگوں کی طرح ہیں۔ ان کی شادی بہت سادہ ہو گی اور مکمل طور پر روایتی طریقوں سے کی جائے گی۔‘

جب ان سے پوچھا گیا کہ کیا یہ شادی ’سیلیبرٹیز کا مہا کمبھ‘ ہو گی؟ تو انہوں نے جواب دیا: ’ایسا بالکل نہیں ہو گا۔‘

تاہم انڈین میڈیا نے اس کی کچھ اور ہی تفصیلات فراہم کرتے ہوئے مشہور امریکی گلوکارہ ٹیلر سوئفٹ کا کنسرٹ منعقد کرنے کا اشارہ دیا ہے۔

لیکن سوئفٹ کے قریبی ذرائع نے دی انڈپینڈنٹ کو بتایا کہ وہ اس شادی میں شرکت یا پرفارم نہیں کریں گی۔