آل پاکستان صرافہ اینڈ جیولرز ایسوسی ایشن کے جاری کردہ تازہ ترین نرخوں کے مطابق، ہفتہ کے روز پاکستان کی بلین مارکیٹ میں سونے کی قیمتوں میں معمولی اضافہ ہوا جبکہ چاندی کی قیمتیں کم ہو گئیں۔
ایسوسی ایشن کے مطابق، 24 قیراط سونے کی قیمت میں فی تولہ 300 روپے کا اضافہ ہوا، جس کے بعد یہ 427,736 روپے فی تولہ ہو گئی۔ اسی طرح 10 گرام 24 قیراط سونے کی قیمت میں بھی 257 روپے کا اضافہ دیکھا گیا. اور یہ 366,714 روپے پر پہنچ گئی۔
اس کے برعکس چاندی کی قیمتوں میں کمی ریکارڈ کی گئی۔ 24 قیراط چاندی کی قیمت فی تولہ 12 روپے کم ہو کر 6,297 روپے پر آ گئی۔
بین الاقوامی مارکیٹ میں بھی سونے. کی قیمتوں میں معمولی اضافہ ہوا، جہاں یہ 3 ڈالر بڑھ کر 4,053 ڈالر فی اونس پر بند ہوئیں۔
