دبئی: ایم آئی ایمریٹس کے محمد وسیم نے انٹرنیشنل لیگ ٹی 20 (آئی ایل ٹی 20) کے سیزن 4 میں 370 رنز بناکر چوتھی بار مسلسل بہترین یو اے ای پلیئر کا بلیو بیلٹ اپنے نام کر لیا۔
یو اے ای کے کپتان محمد وسیم نے یہ اعزاز دوبارہ حاصل کرنے پر خوشی کا اظہار کیا۔ ان کا کہنا تھا، "مسلسل چار سال یہ بیلٹ جیتنا میرے اور میرے خاندان کے لیے بہت بڑا فخر کی بات ہے۔ میں اس پر بہت خوش ہوں۔”
تاہم، ایم آئی ایمریٹس کو فائنل میں مایوسی کا سامنا کرنا پڑا جہاں اتوار کو دبئی انٹرنیشنل اسٹیڈیم میں ڈیزرٹ وائپرز نے انہیں 46 رنز سے شکست دے دی۔
وسیم نے اس شکست پر تبصرہ کرتے ہوئے کہا، "یہ کھیل کا حصہ ہے۔ ہم فائنل نہیں جیت سکے۔ میری نظر میں ہماری فیلڈنگ اچھی نہیں رہی اور ہمیں 20 سے 25 اضافی رنز کا ہدف ملا۔ بیٹنگ یونٹ کی طرف سے پاور پلے میں اچھا آغاز نہیں مل سکا اور تین وکٹیں جلد گرنے سے میچ ہمارے ہاتھ سے نکل گیا۔ مجموعی طور پر سیزن بہت اچھا رہا۔”
مقابلہ خیز سیزن
سیزن 4 کا جائزہ لیتے ہوئے وسیم کا خیال تھا کہ یہ لیگ کا اب تک کا سب سے مقابلہ خیز سیزن ثابت ہوا۔ انہوں نے کہا، "یہ سیزن پچھلے تین سیزنوں سے بہتر تھا۔ کرکٹ انتہائی مقابلہ خیز رہی. اور مختلف کھلاڑیوں کے خلاف کھیلنا بہت مزہ آیا۔ جب کھلاڑی پرفارم کرتے ہیں. تو دیگر لیگوں کی نظر ان پر پڑ جاتی ہے۔ میں ان لڑکوں کے لیے خوش ہوں جنہوں نے اچھی کارکردگی دکھائی — ہم سب نے خوب لطف اٹھایا۔”
وسیم نے ایم آئی ایمریٹس کی نمائندگی کرنے پر فخر کا اظہار کرتے ہوئے کہا، "ایم آئی ایمریٹس کا حصہ ہونا میرے لیے باعثِ عزت ہے۔ یہ ٹی 20 کرکٹ کی سب سے بڑی. اور شاندار فرنچائز ہے۔ یہاں کا ماحول، کپتان، اسٹاف — سب کچھ شاندار ہے اور بہت مزہ آتا ہے۔ اس بار ٹرافی نہ جیت سکنے. پر ہم بدقسمت رہے، لیکن اگلے سال ہم بھرپور کوشش کریں گے. کہ ٹرافی گھر لے کر آئیں۔
