شہر قائد میں گرم اور خشک موسم، جمعے تک درجہ حرارت بلند رہنے کا خدشہ
محکمۂ موسمیات کے مطابق جمعے تک درجۂ حرارت 38 ڈگری سینٹی گریڈ تک پہنچنے کا خدشہ ہے. جمعے کے بعد درجۂ حرارت 34 سے 36 ڈگری سینٹی گریڈ تک رہ سکتے ہیں۔
محکمۂ موسمیات نے بتایا ہے کہ کراچی میں رات کی خنکی کا آغاز ہو چکا. رات کا درجۂ حرارت آنے والے دنوں میں 22 ڈگری سینٹی گریڈ تک پہنچ سکتا ہے۔
محکمۂ موسمیات کے مطابق نومبر کا معمول کا رات کا درجۂ حرارت 17.7 اور دن کا 32.6 ڈگری سینٹی گریڈ ہے. نومبر میں دن اور رات کے درجۂ حرارت معمول سے زیادہ رہ سکتے ہیں۔
محکمۂ موسمیات نے یہ بھی بتایا ہے. کہ نومبر میں دن کا درجۂ حرارت 33 سے 35 ڈگری سینٹی گریڈ تک رہ سکتا ہے جبکہ رات میں درجۂ حرارت 19 سے 22 ڈگری سینٹی گریڈ تک رہ سکتا ہے۔
گرمی کی شدت
ماہرین موسمیات کے مطابق اس وقت شہر قائد میں خشک اور گرم ہواؤں کا سلسلہ جاری ہے. جس کی وجہ سے دن کے اوقات میں گرمی کی شدت محسوس ہو رہی ہے۔ تاہم رات کے اوقات میں درجۂ حرارت میں کمی کا رجحان مثبت ہے. اور شہریوں کو کچھ راحت مل سکتی ہے۔
محکمۂ موسمیات نے شہریوں کو مشورہ دیا ہے. کہ دن کے اوقات میں غیر ضروری طور پر باہر نکلنے سے گریز کریں. اور پانی کا استعمال زیادہ کریں۔ آئندہ چند دنوں میں موسمی صورتحال میں کوئی بڑی تبدیلی متوقع نہیں. البتہ راتوں کی خنکی بتدریج بڑھنے کا امکان ہے۔
