لاہور: وزیراعلیٰ پنجاب مریم نواز شریف نے مری کے تحصیل کوٹلی ستیاں میں صوبے کے پہلے اسکائی گلاس برج کی منظوری دے دی ہے۔ اس پروجیکٹ کا مقصد سیاحت کو فروغ دینا ہے۔
لاہور: وزیراعلیٰ مریم نواز شریف اور PML-N کے صدر نواز شریف کی مشترکہ صدارت میں ایک خصوصی اجلاس منعقد ہوا جس میں مری کے تحفظ اور بحالی کے پلان پر پیشرفت کا جائزہ لیا گیا۔
اجلاس میں مری میں لینڈ سلائیڈنگ (زمین کے پھسلنے) کے مسئلے کے حل کے لیے بین الاقوامی ماہرین کو شامل کرنے کا فیصلہ کیا گیا۔ وزیراعلیٰ نے درمیانی ڈھلوان پر آنے والے پانی کے بہاؤ کو روکنے کے لیے. فوری اقدامات کی ہدایت کی اور چٹہ مور، دریا گلی، بنسیرا گلی، نمل، جھکا گلی اور آس پاس کے علاقوں میں لینڈ سلائیڈنگ سے متاثرہ افراد کے لیے ریلیف اور بحالی کے کاموں کا حکم دیا۔
اجلاس میں مری کے مضافاتی علاقوں شوالہ، سوزو اور بریوری. میں تین نئے ہاسپٹیلٹی زونز قائم کرنے کی منظوری دی گئی، جہاں پرائیویٹ سیکٹر کے تعاون سے پانچ ستارہ معیار کے ہوٹل بنائے جائیں گے۔
منصوبے
مری کی بحالی کے منصوبے کے لیے. ماہرین کی ٹیم تشکیل دینے کا فیصلہ کیا گیا۔ وزیراعلیٰ نے اینٹی انکروچمنٹ آپریشن کے دوران مسمار کیے گئے. ڈھانچوں کا ملبہ فوری طور پر ہٹانے کی ہدایت کی۔
اجلاس کو بتایا گیا کہ جھکا گلی روڈ اور ریچ بل روڈ کو 10 فٹ چوڑا کیا جائے گا۔ وزیراعلیٰ نے مری گلاس ٹرین پراجیکٹ پر تعمیراتی کام ایک ماہ کے اندر شروع کرنے کی ڈیڈ لائن مقرر کر دی۔
مری میں تین نئے پارکس قائم کرنے پر بھی تفصیلی بریفنگ دی گئی. جن میں انگوری روڈ پارک، ایم آئی ٹی پارک اور آریاری پارک کوٹلی ستیاں شامل ہیں۔
اجلاس کو بتایا گیا کہ بنسیرا گلی میں ایک زولوجیکل گارڈن، ایکو زون، برج کراسنگ اور جدید کانفرنس روم بنایا جائے گا۔ وائلڈ لائف کے تحفظ کے لیے. بیئر ہاؤس، ٹائیگر ہاؤس اور برڈ ایویری بھی قائم کیے جائیں گے۔
مری کا پہلا گلیمپنگ پوڈ ویلیج چیورہ ہل پر قائم کیا جائے گا، جو ایک جدید سیاحتی مقام ہوگا۔ اس کا انتظام پرائیویٹ سیکٹر کو سونپا جائے گا۔
ریسٹ ہاؤس
اجلاس میں چیورہ میں پیرا گلائیڈنگ کلب کے قیام کی بھی منظوری دی گئی۔ کوٹلی ستیاں چیئرلفٹ، پنجاب ہاؤس، فاریسٹ ریسٹ ہاؤس اور دیگر منصوبوں پر پیشرفت کا جائزہ لیا گیا۔
وزیراعلیٰ نے مری ضلع کے لیے دریائے جہلم سے بلک واٹر سپلائی سکیم کی. فزیبلٹی رپورٹ 30 اپریل تک مکمل کرنے کی ہدایت کی۔
ڈپٹی کمشنر ظہیر شیرازی کی بریفنگ کے مطابق مری اور کوٹلی ستیاں میں 1 لاکھ 87 ہزار 600 گھروں میں بارش کا پانی جمع کرنے کا نظام. (رین واٹر ہارویسٹنگ) کامیابی سے لگایا جا چکا ہے، جس سے خواتین اور بچوں کو دور سے پانی لانے کی زحمت سے نجات ملی ہے۔ دھر جاڑا اور ڈونگا گلی میں پانی کی سپلائی سکیمز بھی مکمل ہو چکی ہیں۔
وزیراعلیٰ نے صوبے بھر میں پنجاب ہاؤسز. اور دیگر عمارتوں کی تعمیر، دیکھ بھال اور انتظام کے لیے. پنجاب کی پہلی فیسیلٹی. مینجمنٹ یونٹ قائم کرنے کی بھی منظوری دے دی۔
