پاکستان موسمیاتی محکمہ (پی ایم ڈی) نے جمعرات کو اعلان کیا کہ سندھ کے دادو میں گرمی کا نیا ریکارڈ قائم ہو گیا ہے، جہاں پارہ 51.5 ڈگری سینٹی گریڈ تک پہنچ گیا۔
پاکستان موسمیاتی محکمہ (پی ایم ڈی) نے جمعرات کو اعلان کیا کہ سندھ کے دادو میں گرمی کا نیا ریکارڈ قائم ہو گیا ہے جہاں پارہ 51.5 ڈگری سینٹی گریڈ تک پہنچ گیا۔
پی ایم ڈی کے مطابق عید الاضحیٰ کے دوران ملک بھر میں شدید گرمی پڑنے کا امکان ہے اور درجہ حرارت معمول سے 5 سے 7 ڈگری سینٹی گریڈ زیادہ رہنے کی توقع ہے۔ محکمہ کے اعداد و شمار کے مطابق آج دادو میں درجہ حرارت معمول سے 4.5 ڈگری زیادہ ریکارڈ کیا گیا۔
لارکانہ اور جیکب آباد بھی قریب تھے جہاں پارہ 50.5 ڈگری سینٹی گریڈ تک پہنچ گیا۔
درجہ حرارت
پی ایم ڈی نے پریس ریلیز میں کہا ہے کہ آنے والے دنوں میں سکھر، شکارپور، قمبر شہدادکوٹ، جیکب آباد، لاڑکانہ، موئن جو دارو، دادو، شہید بینظیر آباد، تھرپارکر، بدین، سجاول، ٹھٹہ، حیدرآباد، مٹیاری، ٹنڈو محمد خان، عمر کوٹ، گھوٹکی، خیرپور، نوشہروفیروز، میرپور خاص، جامشورو، سانگھڑ، سبی، تربت اور پنجگور سمیت متعدد اضلاع میں زیادہ سے زیادہ درجہ حرارت معمول سے 4 سے 6 ڈگری زیادہ رہنے کا امکان ہے اور یہ 47 سے 50 ڈگری سینٹی گریڈ تک جا سکتا ہے۔
محکمہ نے بتایا کہ آج ملک کے بیشتر علاقوں میں شدید گرم اور خشک موسم رہے گا، البتہ آزاد جموں و کشمیر اور شمال مشرقی پنجاب کے. بعض مقامات پر بارش، ہواؤں اور گرج چمک کے ساتھ بارش کا امکان ہے۔
جمعہ کے لیے بھی پی ایم ڈی نے ملک بھر میں گرم اور. خشک موسم کی پیشگوئی کی ہے، جبکہ خیبر پختونخوا، سندھ اور وسطی و جنوبی بلوچستان کے علاقوں میں. بہت شدید گرمی پڑنے کا امکان ہے۔ تاہم کشمیر، شمال مشرقی پنجاب اور پوٹھوہار کے. علاقوں میں شام/رات کے وقت کہیں کہیں بارش، ہوائیں اور گرج چمک کا امکان ہے۔
عالمی سطح پر تشویش
اقوام متحدہ نے آج خبردار کیا ہے کہ اس سال اور اگلے چار سالوں تک عالمی اوسط درجہ حرارت ریکارڈ سطح پر رہے گا۔
عالمی موسمیاتی تنظیم (ڈبلیو ایم او) کے مطابق 2026 سے 2030 تک کے پانچ سالہ اوسط درجہ حرارت 1.5 ڈگری سینٹی گریڈ (1850-1900 کی سطح سے) اوپر جانے کا 75 فیصد امکان ہے۔
دوسری جانب پی ایم ڈی نے. مئی کے آغاز میں خبردار کیا تھا. کہ 2026 کے مون سون سیزن کے دوران جنوبی ایشیا میں ایل نینو. کے اثرات پیدا ہونے کا امکان ہے جس کی وجہ سے خطے. کے بیشتر علاقوں میں کم سے کم اور زیادہ سے زیادہ درجہ حرارت معمول سے زیادہ رہیں گے۔
ایل نینو ایک قدرتی موسمیاتی مظہر ہے جو بحرالکاہل کے وسطی اور مشرقی حصوں میں سطحی درجہ حرارت بڑھاتا ہے۔ اس سے ہواؤں، دباؤ اور بارش کے نمونوں میں تبدیلی آتی ہے۔
پی ایم ڈی کے مطابق 2026 کے. جنوب مغربی مون سون سیزن کے دوران جنوبی ایشیا کے بیشتر. علاقوں میں معمول سے کم بارش کا امکان ہے، خاص طور پر خطے کے وسطی حصوں میں۔ البتہ شمال مغربی، شمال مشرقی اور جنوبی علاقوں. کے کچھ حصوں میں معمول کے مطابق. یا اس سے زیادہ بارش ہو سکتی ہے۔
