حالیہ دنوں ایک غیر ملکی سیاح سے جڑا واقعہ تنازع کا باعث بنا اور بٹگرام میں پولیس اہلکاروں کے خلاف محکمانہ کارروائی تک جا پہنچا، یہ واقعہ اُس وقت پیش آیا جب نیدرلینڈز سے تعلق رکھنے والی اکیلی بائیک رائیڈر نوریلی (Noraly) پاکستان کے شمالی علاقوں کی سیر پر تھیں اور انہیں پولیس اہلکاروں کے ایک گروپ کے غیر پیشہ ورانہ رویے اور ذاتی نوعیت کے اعتراض طلب سوالات کا سامنا کرنا پڑا۔
ڈسٹرکٹ پولیس آفیسر ( ڈی پی او) بٹگرام محمد ایاز خان. کے مطابق واقعے کے بعد تھاکوٹ چیک پوسٹ (جو ضلع شانگلہ کی سرحد پر واقع ہے). کے نائب انچارج ہیڈ کانسٹیبل خیرالرحمٰن کو معطل کرکے. پولیس لائنز بھیج دیا گیا ہے جبکہ. ان کے خلاف محکمانہ انکوائری بھی شروع کر دی گئی ہے۔
اسی طرح دو دیگر کانسٹیبلز، شاہد اکبر اور محمد وسیم، جو اس واقعے کی ویڈیو میں نظر آئے، کو شوکاز نوٹس جاری کیے گئے ہیں، اس معاملے کی تحقیقات کے لیے. ایک انکوائری کمیٹی بھی تشکیل دے دی گئی ہے، اور ملوث اہلکاروں کو قانونی نتائج کا سامنا کرنا پڑے گا. تاکہ مستقبل میں ایسے غیر مناسب. اور غیر پیشہ ورانہ رویوں سے بچا جا سکے۔
سوشل میڈیا چینل
نوریلی اپنی موٹر بائیک پر دنیا کی سیر کر رہی ہیں، حال ہی میں پاکستان کے قدرتی حسن کو دیکھنے آئی ہیں، تاہم خیبرپختونخوا پولیس کے رویے نے انہیں خاصا دل برداشتہ کیا، انہیں چھ مختلف پولیس ٹیموں نے ایک کے بعد ایک حصار میں لیا، بار بار ان سے کاغذات مانگے. اور غیر متعلقہ سوالات کیے۔نوریلی کی. سوشل میڈیا چینل پر شیئر کی گئی ویڈیو میں ایک پولیس اہلکار کو ان سے ذاتی سوالات کرتے ہوئے دیکھا جا سکتا ہے، جن میں یہ بھی پوچھا گیا کہ ان کا شوہر کیوں نہیں ہے۔
نوریلی نے جواب دیا کہ انہیں کسی شوہر کی ضرورت نہیں، لیکن پولیس اہلکار مزید سوال کرتے رہے، جن میں ان کی عمر اور ازدواجی حیثیت شامل تھی، جب نوریلی نے جواب دیا کہ وہ 37 سال کی ہیں. اور غیر شادی شدہ ہیں، تو خیرالرحمٰن کے ساتھ موجود ایک اور پولیس اہلکار. بھی انہی سوالات پر بضد رہا۔
