کرکٹ کینیڈا کی رکنیت "سنگین خلاف ورزیوں” پر معطل کی گئی
احمد آباد: انٹرنیشنل کرکٹ کونسل (آئی سی سی) نے کرکٹ کینیڈا کی رکنیت فوری طور پر معطل کر دی ہے۔ آئی سی سی نے اس اقدام کی وجہ اپنے رکنیت کے فرائض کی "سنگین خلاف ورزیاں” قرار دی ہے۔ یہ فیصلہ اتوار (31 مئی) کو احمد آباد میں منعقد آئی سی سی بورڈ میٹنگز کے دوران لیے گئے متعدد اہم فیصلوں میں سے ایک تھا۔
کرکٹ کینیڈا کی رکنیت معطل ہونے کے باوجود، آئی سی سی نے واضح کیا ہے کہ کینیڈا کی قومی ٹیمیں آئی سی سی کے ایونٹس میں حصہ لینا جاری رکھیں گی اور فنڈنگ بھی حاصل کر سکیں گی۔ تاہم یہ فنڈنگ ایک کنٹرولڈ طریقہ کار کے تحت دی جائے گی جو آئی سی سی کی نگرانی میں ہوگا تاکہ کھلاڑی انتظامی مسائل سے متاثر نہ ہوں۔
آئی سی سی نے مزید کہا ہے کہ کرکٹ کینیڈا کو رکنیت کی بحالی کے لیے. ایک سیٹ آف شرائط دی جائیں گی جن کا مقصد گورننس اور انتظامی کمزوریوں کو دور کرنا ہے۔ اس پیشرفت کی نگرانی آئی سی سی کی نارملائزیشن کمیٹی کرے گی۔
پنک بال ٹرائل کی منظوری
بورڈ نے روایتی ٹیسٹ میچوں میں پنک بال کے استعمال کے تجرباتی ٹرائل کی تجویز بھی منظور کر لی ہے۔ یہ تجویز اس صورت میں و ہوگی جب میچ کے. دوران روشنی کم ہونے کا اندیشہ ہو اور دونوں ٹیموں کی. رضامندی موجود ہو۔ اس تجویز کا مقصد روایتی ریڈ بال سے پنک بال پر سوئچ کر کے خراب روشنی کی وجہ سے ہونے والے وقت کے ضیاع کو کم کرنا ہے۔
آئی سی سی نے یہ بھی تصدیق کی ہے کہ وہ MCC کے ساتھ مل کر لائٹنگ ٹیکنالوجی پر تحقیق کے لیے فنڈز فراہم کرے گا. تاکہ خراب روشنی کی وجہ سے میچ میں خلل کو مزید کم کیا جا سکے۔
ٹی 20 ورلڈ کپ کے لیے گلوبل کوالیفائر
میٹنگز کے دیگر اہم فیصلوں میں بورڈ نے آئی سی سی مینز ٹی 20 ورلڈ کپ کے لیے. گلوبل کوالیفائر کے قیام کی تجویز کی منظوری دی۔ مینجمنٹ کو ہدایت کی گئی ہے کہ وہ 16 ٹیموں والے کوالیفائر کی ساخت اور کوالیفائی کرنے کے طریقہ کار کو حتمی شکل دے کر متعلقہ آئی سی سی کمیٹیوں کے سامنے پیش کرے۔
اس اقدام سے ایسوسی ایٹ ممالک کے لیے عالمی کوالیفائی کرنے کا راستہ دوبارہ کھل گیا ہے۔ آئی سی سی نے غیر فل ممبر ٹیموں. کے میچوں میں دلچسپی اور ناظرین کی تعداد میں اضافے کا نوٹس لیا تھا۔
