وادی سوات میں ٹی ٹی پی کی موجودگی کی خبريں جھوٹ ہیں: آئی ایس پی آر

پاکستانی فوج کے شعبہ تعلقات عامہ آئی ایس پی آر نے وادی سوات کے علاقوں میں کالعدم تنظیم تحریک طالبان پاکستان (ٹی ٹی پی) کی مبینہ موجودگی کی خبروں کو گمراہ کن قرار دے دیا ہے۔

آئی ایس پی آر کے مطابق چند روز سے ٹی ٹی پی کے مسلح افراد کی سوات میں مبینہ موجودگی کی ’غلط فہمی پھیلائی گئی۔‘

آئی ایس پی آر کا کہنا ہے کہ سوات اور دیر کے درمیان پہاڑوں پر چند مسلح افراد کی موجودگی پائی گئی ہے۔۔ جو کہ آبادی سے دور ہیں۔ ’بظاہر یہ افراد اپنے آبائی علاقوں میں دوبارہ آباد ہونے کے لیے افغانستان سے چوری چھپے آئے۔‘

پاکستانی فوج کے مطابق اس کی جانب سے پہاڑوں میں ان کی محدود موجودگی اور نقل و حرکت پر کڑی نظر رکھی جا رہی ہے۔ ’قانون نافذ کرنے والے اداروں نے ملحقہ علاقوں کے لوگوں کی حفاظت کے لیے ضروری اقدامات کیے ہیں۔‘

آئی ایس پی آر کا کہنا ہے۔ کہ عسکریت پسندوں کی۔ کسی بھی جگہ موجودگی کو برداشت نہیں کیا جائے گا۔۔ ’اگر ۔ضرورت پڑی تو ان سے بھرپور طاقت سے نمٹا جائے گا۔‘