تین ایک روزہ میچوں کی سیریز کے دوسرے مقابلے میں پاکستان نے فیصل آباد کے اقبال اسٹیڈیم میں جنوبی افریقی ٹیم کو فتح حاصل کرنے کے لیے 270 رنز کا چیلنجنگ ہدف دیا ہے۔
فیصل آباد کے اقبال اسٹیڈیم میں تین ون ڈے میچوں کی سیریز کے دوسرے مقابلے میں پاکستان نے پہلے بیٹنگ کرتے ہوئے 50 اوورز میں 9 وکٹوں کے نقصان پر 269 رنز بنائے۔
پاکستانی بلے بازوں سلمان آغا، صائم ایوب اور آل راؤنڈر محمد نواز نے شاندار بیٹنگ کا مظاہرہ کرتے ہوئے. نصف سنچریاں بنائیں. سلمان آغا نے 82 گیندوں پر تین چوکوں کی مدد سے اپنی نصف سنچری مکمل کی. جبکہ محمد نواز نے 56 گیندوں پر تین چوکوں اور تین چھکوں کے ساتھ جارحانہ انداز میں بیٹنگ کی. صائم ایوب نے بھی 53 رنز کی قابل قدر اننگز کھیلی۔
تبدیلیاں
دوسرے ون ڈے میچ سے قبل پاکستان نے ٹاس جیت کر پہلے بیٹنگ کرنے کا فیصلہ کیا۔ قومی ٹیم میں دو تبدیلیاں کی گئی ہیں، جہاں حسن نواز اور ابرار احمد کو پلیئنگ الیون سے باہر رکھا گیا ہے. اور ان کی جگہ فہیم اشرف اور وسیم جونیئر کو ٹیم میں شامل کیا گیا ہے. اسی طرح جنوبی افریقی ٹیم میں بھی دو تبدیلیاں کی گئی ہیں۔
واضح رہے کہ سیریز کے پہلے میچ میں پاکستان نے جنوبی افریقہ کو شکست دی تھی. جبکہ سیریز کا تیسرا اور آخری میچ 8 نومبر کو فیصل آباد کے اقبال اسٹیڈیم میں کھیلا جائے گا۔
