اسلام آباد: فیڈرل بورڈ آف ریونیو (ایف بی آر) کے ڈائریکٹوریٹ جنرل آف کسٹمز ویلیویشن نے 62 ماڈلز کے پرانے اور استعمال شدہ موبائل فونز کی کسٹمز ویلیو بڑھا دی ہے۔ حکام کا کہنا ہے کہ یہ اقدام درآمد شدہ مال پر ڈیوٹی اور ٹیکس کی درست تشخیص کے لیے موجودہ مارکیٹ ریٹس کے مطابق اقدار کو ہم آہنگ کرنے کے مقصد سے اٹھایا گیا ہے۔ یہ بات جمعرات کو سامنے آئی۔
یہ پیش رفت اس وقت سامنے آئی ہے. جب گزشتہ ہفتے ایف بی آر کے اعلیٰ حکام نے قومی اسمبلی کی پارلیمانی کمیٹی کو یقین دلایا تھا. کہ آئندہ بجٹ میں موبائل فونز کی شرحیں کم کی جائیں گی۔
ڈائریکٹوریٹ نے جمعرات کو ویلیویشن رولنگ نمبر. 2070 آف 2026 جاری کی. جس نے جنوری میں جاری ہونے والی پرانی رولنگ نمبر 2035 کی جگہ لے لی ہے۔ نئی قدروں کے حتمی فیصلے سے قبل ڈائریکٹوریٹ نے 13 اپریل کو متعلقہ اسٹیک ہولڈرز کے ساتھ بھی اجلاس کیا تھا۔
نئی ویلیویشن کا اطلاق کمرشل مقدار میں بغیر پیکنگ اور لوازمات کے درآمد ہونے والے پرانے اور استعمال شدہ موبائل فونز پر ہوگا۔
اضافہ ریکارڈ
ڈیٹا کے مطابق گوگل پکسل اور سیمسنگ کے ماڈلز میں سب سے زیادہ اضافہ ریکارڈ کیا گیا ہے، جبکہ پچھلی شیڈول میں ان کی قدریں نسبتاً کم تھیں۔ ایپل کے ڈیوائسز میں بھی زیادہ تر ماڈلز کی ویلیویشن میں اضافہ کیا گیا ہے. تاہم یہ اضافہ خاص طور پر نئے فلیگ شپ ماڈلز میں نسبتاً اعتدال پسندانہ رہا ہے۔
ریگولیٹری اعتبار سے اس نے چھ ماہ کی ایکٹیویشن، زیادہ ڈکلیئرڈ ویلیو اور فریٹ ایڈجسٹمنٹ کے پرانے فریم ورک کو برقرار رکھا ہے۔
یہ نظرثانی اس وقت کی گئی ہے جب ہینڈ سیٹ درآمدات میں تیزی سے اضافہ ہوا ہے. رواں مالی سال کے پہلے نو ماہ کے دوران موبائل فونز کی درآمدات میں. 27.84 فیصد اضافہ ہوا ہے. جو گزشتہ سال کے اسی عرصے کے 1.129 ارب ڈالر کے مقابلے میں 1.444 ارب ڈالر ہو گئی ہے۔