ایک نئی تحقیق نے ان کالج ڈگریوں کی نشاندہی کی ہے. جو پانچ سال بعد ملازمتوں میں سب سے زیادہ پیسہ کمانے کا سبب بن سکتی ہیں۔ ان میں انجینئرنگ، کمپیوٹر سائنس اور صحت کے شعبوں میں بہترین تنخواہ ملنے کا امکان ہے۔
امریکہ میں کالج جانے کی قیمت بہت زیادہ ہے، اوسطاً سالانہ لاگت 38,270 ڈالرز.(ایک کروڑ 85 لاکھ روپے سے زیادہ) ہے۔
امریکی بیورو آف لیبر سٹیٹسٹکس نے طلبہ کو قرضے میں سہولت دینے والے سٹوڈنٹ چائس (نامی امریکی ادارے) کے ڈیٹا کا تجزیہ کیا. تاکہ گریجویشن کے بعد ملازمت میں پانچ سال کے دوران ڈگریوں پر ’سرمایہ کاری کی واپسی‘ کا حساب لگایا جاسکے۔ اس کا مقصد طلبہ کو یہ ممکنہ طور پر یہ مشکل فیصلہ کرنے میں مدد دینا ہے۔
تنظیم نے کالج کی اوسط قیمت کو چار سے ضرب دے کر. 153,080 ڈالر کا عدد حاصل کیا۔ اس نے ہر نوکری میں پانچ سال بعد کمائی گئی اوسط تنخواہ کے ساتھ اس اعداد و شمار کا موازنہ کیا. اور سرمایہ کاری. کی واپسی کا فیصد حساب کرنے کے لیے اسے 100 سے ضرب دیا۔
نوکریاں
تجزیے میں یہ پایا گیا کہ بہترین تنخواہوں والی نوکریاں انجینئرنگ، کمپیوٹر سائنس اور صحت کے شعبوں میں ہیں۔
محنت کی واپسی کے لحاظ سے. 2024 میں سب سے مشہور کالج کی ڈگریوں کی درجہ بندی کرتے وقت انجینئرنگ کا میجر اوپر آیا، جس میں رقم کی واپسی 326.6 فیصد رہی۔
کمپیوٹر سائنس اور کمپیوٹر انفارمیشن ٹیکنالوجی کا میجر 310.3 فیصد کے ساتھ دوسرے نمبر پر تھا، اس کے بعد نرسنگ 280.9 فیصد، اکاؤنٹنگ 261.3 فیصد، اور بایو کیمسٹری 248.2 فیصد پر تھی۔
ہر ڈگری کی قسم کے لیے سب سے زیادہ واپسی. کے ساتھ سب سے عام پیشوں کی درجہ بندی کرتے وقت، کمپیوٹر اور انفارمیشن سسٹم کے منیجرز پہلے مقام پر آئے، جن کی واپسی 553.7 فیصد رہی۔
تشہیر اور مارکیٹنگ کے منیجر 511.4 فیصد کی واپسی کے ساتھ دوسرے نمبر پر آئے، پھر ایرو سپیس انجینئرز 427 فیصد، پی آر اور فنڈ ریزنگ کے منیجر 426.2 فیصد، اور سافٹ ویئر ڈویلپرز 425.1 فیصد کی واپسی کے ساتھ رہے۔
