سعودی عرب میں واٹس ایپ صارفین کے لیے اچھی خبر سامنے آئی ہے، اب وہ 6 سال کے طویل وقفے کے بعد دوبارہ سے وائس اور ویڈیو کال کرسکیں گے، تاہم سعودی حکام کی جانب اس معاملے پر کوئی باضابطہ اعلان سامنے نہیں آیا ہے۔
گلف نیوز کے مطابق پیغام رسانی اور رابطہ کرنے کے لیے. دنیا کی مقبول ترین ایپ واٹس ایپ سعودی عرب میں دوبارہ فعال ہوگئی ہے. اور صارفین اب وائس اور ویڈیو کال کرسکتے ہیں۔
سعودی عرب میں واٹس ایپ میں وائس کال اور ویڈیو کال کے فیچر کو ریگولیٹری وجوہات کی بنا پر کئی سالوں تک بلاک کیا گیا تھا. تاہم اب اچانک سے ان فیچرز کے دوباہ فعال ہونے سے یہ سوالات پیدا ہورہے ہیں. کہ آیا یہ تبدیلی مستقبل ہوگی یا عارضی بنیادوں پر کی گئی ہے۔
ہفتہ کے روز سعودی عرب میں شہریوں نے رپورٹ کیا کہ ان کے واٹس ایپ پر وائس اور ویڈیو کالز کے فیچر دوبارہ سے بحال ہوگئے ہیں تاہم سعودی حکام کی جانب سے اس حوالے سے کسی قسم کا باضابطہ اعلان نہیں کیا گیا ہے. جس کی وجہ سے صارفین کشمش میں مبتلا ہیں۔
...
