لاہور، 10 مارچ 2026: پاکستان کرکٹ بورڈ نے اعلان کیا ہے کہ 44 میچوں پر مشتمل ایچ بی ایل پاکستان سپر لیگ (پی ایس ایل) کا 11 واں ایڈیشن 26 مارچ سے 3 مئی تک ملک کے چھ مختلف مقامات پر کھیلا جائے گا۔
اس مرتبہ فیصل آباد اور پشاور پہلی بار ایچ بی ایل پی ایس ایل میچوں کی میزبانی کریں گے، جب کہ دیگر مقامات میں کراچی، لاہور، ملتان اور راولپنڈی شامل ہیں۔
ایچ بی ایل پی ایس ایل نے کامیابی سے 10 سال مکمل کر لیے ہیں اور اب اپنی 11ویں ایڈیشن کے ساتھ ایک نئے دور میں داخل ہو رہی ہے۔ پہلی بار آٹھ ٹیمیں اس مرکزی ایونٹ میں حصہ لیں گی جن میں حیدرآباد کنگزمین، اسلام آباد یونائیٹڈ، کراچی کنگز، لاہور قلندرز، ملتان سلطانز، پشاور زلمی، کوئٹہ گلیڈی ایٹرز اور راولپنڈی پنڈیز شامل ہیں۔
آٹھ ٹیموں میں حیدرآباد کنگزمین اور راولپنڈی پنڈیز نئی فرنچائزز ہیں جو حالیہ ایچ بی ایل پی ایس ایل آکشن کے بعد شامل کی گئیں۔ حیدرآباد کنگزمین کی فرنچائز 175 کروڑ روپے جبکہ راولپنڈی پنڈیز 245 کروڑ روپے میں حاصل کی گئی۔
شیڈول کے مطابق ہر ٹیم 10 میچ کھیلے گی. اور پوائنٹس ٹیبل پر سرفہرست چار ٹیمیں ناک آؤٹ مرحلے کے لیے کوالیفائی کریں گی۔ ناک آؤٹ مرحلے میں کوالیفائر 1، ایلیمینیٹر، کوالیفائر 2 اور فائنل شامل ہوں گے جو 28 اپریل سے 3 مئی کے درمیان کھیلے جائیں گے. فائنل میچ پاکستان کرکٹ بورڈ کے ہیڈکوارٹر قذافی اسٹیڈیم. لاہور میں اتوار، 3 مئی کو ہوگا، جب کہ 4 مئی پیر کے دن کو ریزرو ڈے رکھا گیا ہے۔
ایونٹ کے دوران 12 ڈبل ہیڈرز شیڈول کیے گئے ہیں جن میں لاہور کے قذافی اسٹیڈیم میں تین ڈبل ہیڈرز کھیلے جائیں گے۔
قذافی اسٹیڈیم، لاہور:
قذافی اسٹیڈیم مجموعی طور پر 15 میچوں کی میزبانی کرے گا. جن میں ٹورنامنٹ کا افتتاحی میچ بھی شامل ہے جو 26 مارچ کو. لاہور قلندرز اور حیدرآباد کنگزمین کے درمیان کھیلا جائے گا. یہی venue 2017 میں پاکستان کی سرزمین پر کھیلے جانے والے پہلے ایچ بی ایل پی ایس ایل فائنل کا میزبان رہا. جبکہ 2022، 2023 اور 2025 کے فائنلز بھی یہیں کھیلے گئے۔
لاہور قلندرز، جو 2022، 2023 اور 2025 کی چیمپئن ہیں. کم از کم پانچ میچ قذافی اسٹیڈیم میں کھیلیں گے۔ روایتی حریفوں لاہور قلندرز اور کراچی کنگز کے درمیان انتہائی اہم مقابلہ 29 مارچ کو شیڈول ہے. اسی اسٹیڈیم میں 29 مارچ، 19 اپریل اور 25 اپریل کو تین ڈبل ہیڈرز بھی کھیلے جائیں گے۔
عمران خان کرکٹ اسٹیڈیم، پشاور:
سابق ارباب نیاز کرکٹ اسٹیڈیم، جس کا نیا نام عمران خان کرکٹ اسٹیڈیم ہے. 20 برس بعد دوبارہ بڑی کرکٹ کی میزبانی کرے گا. یہاں آخری ون ڈے انٹرنیشنل 6 فروری 2006 کو پاکستان. اور بھارت کے درمیان کھیلا گیا تھا۔ یہ اسٹیڈیم اپنا پہلا ایچ بی ایل پی ایس ایل میچ 28 مارچ کو دوپہر کے وقت پشاور زلمی اور راولپنڈی پنڈیز کے درمیان کرائے گا۔
اسٹیڈیم اس وقت نیشنل ٹی 20 کپ کے میچوں کی میزبانی بھی کر رہا ہے۔
اقبال اسٹیڈیم، فیصل آباد:
فیصل آباد میں پہلی بار ایچ بی ایل پی ایس ایل میچز کھیلے جائیں گے. جہاں مجموعی طور پر سات میچ ہوں گے۔ دفاعی چیمپئن لاہور قلندرز یہاں چار میچ کھیلیں گے، جبکہ 2017 کی فاتح ٹیم پشاور زلمی تین میچوں میں ایکشن میں نظر آئے گی۔
اقبال اسٹیڈیم میں پہلا میچ جمعرات، 9 اپریل کو لاہور قلندرز. اور اسلام آباد یونائیٹڈ کے درمیان دوپہر کے وقت کھیلا جائے گا۔
ملتان کرکٹ اسٹیڈیم، ملتان:
ملتان میں چار میچ شام کے وقت کھیلے جائیں گے اور تمام میچوں میں میزبان ٹیم ملتان سلطانز ایکشن میں ہوگی۔ یہاں پہلا میچ بدھ، 1 اپریل کو 2021 کی چیمپئن. ملتان سلطانز اور حیدرآباد کنگزمین کے درمیان ہو گا۔
نیشنل بینک اسٹیڈیم، کراچی:
نیشنل بینک اسٹیڈیم، جسے پہلے نیشنل اسٹیڈیم کراچی کے نام سے جانا جاتا تھا، 2018، 2019، 2020 اور 2024 کے ایچ بی ایل پی ایس ایل فائنلز کی میزبانی کر چکا ہے۔ آئندہ ایڈیشن میں یہاں چھ. میچ کھیلے جائیں گے۔
کراچی کنگز (2020 کی چیمپئن) اور حیدرآباد کنگزمین یہاں تین، تین میچ کھیلیں گے. جبکہ پشاور زلمی اور اسلام آباد یونائیٹڈ دو، دو میچوں میں حصہ لیں گی. اس مقام پر پہلا میچ بدھ، 8 اپریل کو حیدرآباد کنگزمین اور پشاور زلمی کے درمیان ہوگا۔
اسی اسٹیڈیم میں حیدرآباد کنگزمین اور کراچی کنگز کے درمیان نئی ابھرتی ہوئی رقابت کا اہم میچ بھی ہفتہ، 11 اپریل کو کھیلا جائے گا۔
راولپنڈی کرکٹ اسٹیڈیم، راولپنڈی:
راولپنڈی کرکٹ اسٹیڈیم اس ایڈیشن میں 11 میچوں کی میزبانی کرے گا. جن میں ایک کوالیفائر بھی شامل ہے۔ یہ venue گزشتہ سال آئی سی سی چیمپئنز ٹرافی کے میچوں کی میزبانی بھی کر چکا ہے، اور اسی دوران 2 اپریل اور 26 اپریل کو دو ڈبل ہیڈرز بھی کھیلے جائیں گے۔
دو نئی ٹیموں کی شمولیت کے بعد اسلام آباد یونائیٹڈ اور راولپنڈی پنڈیز راولپنڈی کرکٹ اسٹیڈیم کو اپنی ہوم گراؤنڈ کے طور پر استعمال کریں گی۔ اس میدان پر اسلام آباد یونائیٹڈ کے. چھ اور راولپنڈی پنڈیز کے پانچ میچ کھیلے جائیں گے۔
دونوں ٹیمیں (اسلام آباد یونائیٹڈ اور راولپنڈی پنڈیز) کم از کم دو بار گروپ مرحلے میں آمنے سامنے آئیں گی. پہلا میچ 4 اپریل اور دوسرا 23 اپریل کو شیڈول ہے۔