ہائر ایجوکیشن کمیشن (ایچ ای سی) نے امریکا-پاکستان نالج کوریڈور منصوبے کے تحت مکمل فنڈڈ پی ایچ ڈی اسکالرشپس کے لیے درخواستیں طلب کر لی ہیں، جس کے ذریعے پاکستانی طلبہ کو امریکا کی ممتاز جامعات میں تعلیم حاصل کرنے کا موقع ملے گا۔
اعلان کے مطابق یہ اسکالرشپس کیو ایس ورلڈ یونیورسٹی. رینکنگ میں ٹاپ 100 میں شامل امریکی جامعات میں داخلے کے لیے دستیاب ہیں۔
ٹاپ 50 جامعات میں منتخب ہونے والے امیدواروں کو مکمل مالی معاونت فراہم کی جائے گی. جس میں ٹیوشن فیس، وظیفہ اور ہیلتھ انشورنس شامل ہیں۔
جبکہ 51 سے 100 کے درمیان درجہ بندی رکھنے والے اداروں. میں داخلہ لینے والے امیدواروں کو سالانہ 12 ہزار ڈالر تک ٹیوشن فیس کی معاونت کے ساتھ وظیفہ اور ہیلتھ انشورنس فراہم کی جائے گی۔
اعلیٰ تعلیم
یہ پروگرام پاکستان میں تحقیقاتی صلاحیت اور اعلیٰ تعلیم کے معیار کو بہتر بنانے کے لیے ترتیب دیا گیا ہے، تاکہ طلبہ کو عالمی سطح. پر تسلیم شدہ تعلیمی اداروں تک رسائی حاصل ہو سکے۔
درخواست دینے کا طریقہ
درخواستیں [سرکاری اسکالرشپ پورٹل]. کے ذریعے جمع کرائی جا سکتی ہیں. جبکہ درخواست جمع کرانے کی آخری تاریخ 30 اپریل 2026 ہے۔
یہ اسکیم وسیع تر امریکا-پاکستان نالج کوریڈور منصوبے کا حصہ ہے. جس کا مقصد تعلیمی تعاون کو فروغ دینا اور پاکستانی محققین و طلبہ کے لیے مزید مواقع پیدا کرنا ہے۔