پاک ایران کشیدگی اور سیکیورٹی کی صورتحال نگران وزیراعظم انوارالحق کاکڑ کی زیر صدارت قومی سلامتی کمیٹی کا اجلاس ختم ہوگیا۔
ڈان نیوز کے مطابق اجلاس میں عسکری قیادت، حساس اداروں کے سربراہان، وفاقی وزرا شریک تھے. جس میں ایران کے ساتھ پیدا ہونے والی صورت حال کا جائزہ لیا گیا۔
پاک ۔ ایران کشیدگی کے باعث نگران وزیراعظم انوار الحق کاکڑ نے. سوئٹزرلینڈ کا دورہ مختصر کرلیا ہے۔
پاک ۔ ایران کشیدگی کے بعد پیدا ہونے والی صورتحال پر غور کے لیے. وفاقی کابینہ سلامتی کا اجلاس بھی آج ہی طلب کیا گیا ہے۔
واضح رہے کہ 17 جنوری کو ایران کی جانب سے پاکستان کی فضائی حدود میں حملے کے نتیجے میں 2 معصوم بچے جاں بحق اور 3 بچیاں زخمی ہو گئی تھیں۔
ایران کی جانب سے اپنی فضائی حدود کی خلاف ورزی کے 48 گھنٹے سے بھی کم وقت کے اندر پاکستان نے 18 جنوری کی علی الصبح ایرانی صوبے سیستان و بلوچستان میں دہشت گردوں کے ٹھکانوں پر حملہ کیا تھا جس میں متعدد دہشت گرد مارے گئے تھے۔
