امریکی گلوکارہ کیٹی پیری سمیت 6 خواتین کی خلاء کی تاریخی پرواز کے بعد زمین پر واپسی کے جذباتی لمحات دیکھنے میں آئے۔
مشہور پاپ اسٹار کیٹی پیری نے خلاء کا مختصر مگر یادگار سفر کیا، جب وہ معروف ارب پتی جیف بیزوس کی کمپنی بلیو اوریجن کے راکٹ کے ذریعے زمین سے. 100 کلومیٹر بلند خلاء کی حدود تک پہنچیں۔
یہ سفر صرف 11 منٹ. پر مشتمل تھا مگر تاریخ رقم کر گیا، کیونکہ یہ 1963ء کے بعد پہلی مکمل خواتین. پر مشتمل خلائی پرواز تھی۔
راکٹ نے امریکی ریاست ٹیکساس سے. پاکستانی وقت کے مطابق شام تقریباً 6:30 بجے روانگی لی، اس سفر میں کیٹی پیری کے ساتھ دیگر ممتاز. خواتین بھی شامل تھیں۔
جب خلاء میں سب مسافر واپس اپنی سیٹوں پر آئے تو کیٹی پیری نے معروف گیت What A Wonderful World گنگنایا، جس نے ماحول کو جذباتی بنا دیا۔
کیٹی پیری اپنے ساتھ خلاء. میں ڈیزی نامی پھول لے کر گئی تھیں، جو اُن کی بیٹی کا نام بھی ہے، واپسی پر انہوں نے زمین کو چومتے ہوئے کہا کہ مجھے لگتا ہے. کہ یہ تجربہ مجھے یہ سمجھا گیا. کہ میرے اندر کتنی محبت ہے. اور میں کتنا پیار بانٹ سکتی ہوں۔