بھارتی خواتین ٹیم نے ویمنز ٹی 20 میں سب سے بڑا ٹوٹل بنا کر سری لنکا کو مسلسل چوتھی شکست دی
تھیرووننت پورم: بھارت کی خواتین کرکٹ ٹیم نے جاری ٹی 20 سیریز میں سری لنکا کے خلاف مسلسل چوتھی فتح حاصل کرتے ہوئے ویمنز ٹی 20 انٹرنیشنل میں اپنا سب سے بڑا ٹوٹل بنا ڈالا۔ میزبان ٹیم نے 221 رنز 2 وکٹ کے نقصان پر بنائے جو اس سے قبل ویسٹ انڈیز کے خلاف 2024 میں بنائے گئے. 217/4 کے ریکارڈ کو پیچھے چھوڑ گیا۔
یہ شاندار ٹوٹل اوپنرز سمرتی مندھانا (80) اور شفیعلی ورما (79) کی زبردست بیٹنگ کی بدولت ممکن ہوا۔ دونوں نے پہلی وکٹ کے لیے. 162 رنز کی شراکت قائم کی جو بھارت کی ویمنز ٹی 20 تاریخ میں کسی بھی وکٹ کے لیے. سب سے بڑی پارٹنرشپ ہے۔ اس سے قبل یہ ریکارڈ بھی انہی دونوں کا تھا. جب 2019 میں ویسٹ انڈیز کے خلاف 143 رنز کی شراکت کی تھی۔
بھارت کے ویمنز ٹی 20 میں سب سے بڑے ٹوٹلز:
- 221/2 بمقابل سری لنکا – 2025
- 217/4 بمقابل ویسٹ انڈیز – 2024
- 210/5 بمقابل انگلینڈ – 2025
- 201/5 بمقابل یو اے ای – 2024
- 198/4 بمقابل انگلینڈ – 2018
سمرتی مندھانا نے اس میچ میں ایک اور سنگ میل عبور کرتے ہوئے. خواتین کرکٹ تاریخ میں سب سے تیز 10,000 انٹرنیشنل رنز مکمل کیے۔ انہوں نے صرف 280 میچز میں یہ اعزاز حاصل کیا جو متھالی راج، سوزی بیٹس اور شارلٹ ایڈورڈز سے بھی کم ہیں۔ متھالی راج کے بعد وہ بھارت کی دوسری کھلاڑی ہیں. جنہوں نے یہ کارنامہ انجام دیا۔
آخری اوورز میں رچا گھوش (40*) اور کپتان ہرمن پریت کور (16*) نے ناقابلِ شکست اننگز کھیل کر ٹیم کو ریکارڈ ٹوٹل تک پہنچایا۔
221 رنز کا دفاع کرتے ہوئے بھارتی بولرز نے سری لنکا کو 191 رنز پر روک دیا. اور میچ 30 رنز سے جیت لیا۔
میچ کی بہترین کھلاڑی قرار پائیں سمرتی مندھانا نے کہا: "اس سال زیادہ تر ون ڈے کرکٹ کھیلنے کے بعد ٹی 20 موڈ میں آنا ذرا مشکل تھا. ذہنی طور پر مختلف چیلنج تھا۔ خوش ہوں کہ آج بہتر کارکردگی دکھا سکی۔”
کامیابی پر خوشی
انہوں نے ٹیم کے ماحول پر بات کرتے ہوئے کہا: "گذشتہ ایک سال میں ٹیم کا ماحول بالکل مختلف ہو گیا ہے، اب ہر کوئی ایک دوسرے کی کامیابی پر خوشی مناتا ہے۔”
دونوں ٹیمیں آئی سی سی ویمنز ٹی 20 ورلڈ کپ 2026 کی تیاریوں میں مصروف ہیں. جو انگلینڈ اور ویلز میں 12 جون سے شروع ہوگا۔ بھارت اپنا پہلا میچ 14 جون کو پاکستان کے خلاف کھیلے گا جبکہ سری لنکا کا مقابلہ دفاعی چیمپئن نیوزی لینڈ سے 16 جون کو ہوگا۔
سیریز کا پانچواں اور آخری ٹی 20 میچ 30 دسمبر کو تھیرووننت پورم میں ہی کھیلا جائے گا۔
