دبئی کرکٹ اسٹیڈیم میں نیوزی لینڈ ٹیم کو بھارت کے خلاف چیمپئنز ٹرافی کے فائنل سے پہلے اہم فاسٹ بالر میٹ ہنری کی انجری کا سامنا ہے اور فائنل میں فی الحال ان کی شرکت مشکوک دکھائی دے رہی ہے۔
دبئی میں میڈیا سے گفتگو کرتے ہوئے نیوزی لینڈ کے ہیڈ کوچ گیری اسٹیڈ نے میٹ ہنری کی انجری کے بارے میں بتایا. کہ کیوی پیسر کی فائنل میں شرکت. کے امکانات تاحال غیر یقینی ہیں۔
میٹ ہنری چیمپئنز ٹرافی. کے سب سے کامیاب بالر ہیں، جنہوں نے 16.70 کی اوسط سے 10 وکٹیں حاصل کیں۔
انہوں نے 2 مارچ کو دبئی میں بھارت کے خلاف گروپ میچ میں 5 وکٹیں حاصل کی تھیں۔
33 سالہ میٹ ہنری لاہور میں جنوبی افریقا کے خلاف سیمی فائنل میں کیچ لیتے ہوئے. انجری کا شکار ہوئے تھے۔
انجری
انجری کے بعد میٹ ہنری تکلیف میں دکھائی دیے تھے. اور گراؤنڈ سے باہر چلے گئے تھے. تاہم انہوں نے انجری کے ساتھ ہی جنوبی افریقا کی اننگز کے آخری 2 اوورز بھی کرائے تھے۔
نیوزی لینڈ کے ہیڈ کوچ گیری اسٹیڈ نے کہا ہے کہ یہ مثبت بات ہے کہ وہ جنوبی افریقا کے خلاف سیمی فائنل میں دوبارہ بالنگ کے لیے آئے، ان کے اسکین کروائے گئے ہیں اور ہم انہیں کھیلنے کا ہر موقع دینا چاہتے ہیں لیکن وہ کافی تکلیف میں ہیں، امید ہے کہ وہ فائنل تک ٹھیک ہو جائیں گے۔
