کنگسٹن: جمیکا کو صدی کا سب سے شدید اور تباہ کن سمندری طوفان ’ملیسا‘ نے اپنی تمام تر قہر انگیزی کے ساتھ ہلا کر رکھ دیا، جس کے نتیجے میں وسیع پیمانے پر املاک اور انفراسٹرکچر کو نقصان پہنچا اور مختلف دلخراش حادثات میں کم از کم سات افراد جان کی بازی ہار گئے۔
تفصیلات سے معلوم ہوتا ہے. کہ صدی کا سب سے زبردست اور طاقتور سمندری طوفان ’ملیسا‘ نے جمیکا کو مکمل طور پر اپنے پنجے میں جکڑ لیا، جس کی وجہ سے تیز رفتار ہواؤں. اور موسلا دھار بارشوں نے کم سے کم سات افراد کی جانیں لے لیں اور کئی دیگر زخمی ہو گئے۔
امریکی نیشنل ہریکین سینٹر کی رپورٹ کے مطابق، ’ملیسا‘ کو کیٹیگری فائیو کا درجہ دیا گیا ہے. جس میں ہواؤں کی رفتار 270 کلومیٹر فی گھنٹہ. (تقریباً 185 میل فی گھنٹہ) تک پہنچ گئی۔ یہ گزشتہ 174 سالوں میں جمیکا سے ٹکرانے والا سب سے شدید طوفان قرار پایا ہے۔
مکمل طور پر مفلوج
طوفان نے جمیکا کے جنوبی علاقے سینٹ الیزبتھ میں زمین سے ٹکرایا، جس کے نتیجے. میں درخت اکھڑ گئے، بجلی کے پول گر گئے، گھروں کی چھتیں اڑ گئیں اور پچاس ہزار سے زیادہ افراد بجلی کی فراہمی سے محروم ہو گئے، جبکہ مواصلاتی نظام بھی مکمل طور پر مفلوج ہو کر رہ گیا۔
حکام نے بتایا کہ اس طوفان کی وجہ سے ہیٹی اور ڈومینیکن ریپبلک میں بھی. جانی اور مالی نقصانات ہوئے ہیں۔ جمیکا کے وزیرِ اعظم نے کہا ہے. کہ ملک میں کوئی بھی ڈھانچہ یا انفراسٹرکچر ایسا موجود نہیں جو کیٹیگری فائیو کے طوفان کا مقابلہ کر سکے۔
عالمی ریڈ کراس نے وسیع پیمانے پر تباہی کا اندیشہ ظاہر کرتے ہوئے خبردار کیا ہے. کہ تقریباً پندرہ لاکھ افراد اس سے متاثر ہو سکتے ہیں۔
جمیکا کی حکومت نے فوری طور پر ایمرجنسی نافذ کر دی ہے. اور فوجی دستوں کو تعینات کر دیا گیا ہے۔ متاثرہ علاقوں سے لوگوں کو محفوظ مقامات پر منتقل کرنے کی کارروائیاں جاری ہیں، جبکہ تمام سکول، کالج، ہوائی اڈے اور بندرگاہیں ہنگامی بنیادوں پر بند کر دی گئی ہیں۔
ماحولیاتی ماہرین کے مطابق، ’ملیسا‘ آنے والے دنوں میں شمالی علاقوں کی طرف بڑھتے ہوئے شدید بارشوں، لینڈ سلائیڈنگ اور مزید تباہی کا سبب بن سکتی ہے۔